السلام عليكم
اسيبكم مع الشعر
<<
<<
<<
<<
أبد ما جيت ابارك لك ولكن جيت باوصيك
على الله ناوي (ن) تدخل بها الليله معذبتي
ترى لولا الظروف عطتك وحًدت محاكيك
قسم بالله ما تدخل عليها لو على رقبتي
ولكن النصيب أقوى ولا ادري ويش اسوي فيك
نعم .. صارت معزبتك ،،، ولا صارت معزبتي
كذا شاءت بنا الأقدار تحرمني لجل تعطيك
كذا لازم تفوز انت ؟،، أنا اخسر بتجربتي
تراها غالية جدا .. وتكفى .. والله يخليك
تدللها... تدلعها ... تنسيها مصاحبتي
أنا من كثر ما أغليها احس اني بديت أغليك
ولا تسأل بأيه حق والا وش مناسبتي
لأنك لو بتسألني بتسمع شي ما يرضيك
لذا يا اخوي لا تسأل ولا تسمع لأجوبتي
أبيك تحطها في داخل عيونك وبين ايديك
وهي دلوعة إعتـــــــادت على كثر مداعبتي
فداعبها شوي شوي حتى تشتهى طاريك
وشاغبها أليـــــــن تقول : بطل من مشاغبتي
واذا مالها خلقك ،، ولاتضحك ولا تسليك
تحمًلها واسألها : ياعمـــــــري ليه عصًبتي
وبالك أسمع انك يوم تضربها وهي تشكيك
ما يحتــاج أوري لك بفن الضرب موهبتي
صحيح انك بتملكها ومعك العقد بالتمليك
وانا عـــارف حدود الله ومن حقك معاقبتي
ولكن قل لها : المجنون وصًــاني وهو يعنيك
يقول انه بيـــــنـتضرك لو شيًب وشيًبتي
وانا مجنونها اللي ما نسها وانت ما يمديك
تغطي ذكــــــرياتي ،،، في هواها وربع تجربتي
أحس اني تماديت بكلامي ،، والغضب حــاديك
لو انك في مكــــــاني ما تفكر في محــــاسبتي
كفاك اني تركت الليلة أشغالى عشان أجيــــــك
دخلت القاعه برجلي ولا ادري ويـش عاقـــــبتي
وانا ما جيت اخرب عرسك اللية ولا اذيـــــك
انا جيت عشان أخــــاطبك واسمع مخــاطبتي
توصًى ... وانتبه... واحرص عليها والله يهنيك
ترى كل الكلام اللي من ضيــــــقي وكبتـــــي
ولكن ما قدرت اني اقوله وانت ما يخفـــــيك
أخــــــاف اذا اني قلته تقوم وتقطع رقبــــــتي
اتمنى انو ينال اعجابكم
